في صديقتان كان يضرب بهم المثل في الصداقه والمحبه كانت الاولى
اسمها(حنان ) عمرها 25 سنه متزوجه والثانيه اسمها ( ناهد ) عمرها 24 سنه ....المهم انهم كانوا اكثر من صديقات وكانو مايخبون شي عن بعض الى درجه ان حنان تسولف حق صديقتها عن زوجها باسم وكانت تخليها وسيط بينهم تحل خلافاتهم ويوم اتصلت اخت ناهد نور
نور : الو حنان
حنان : الو هلا نور شخبارش
نور : الحمدلله تعالي ليله الخميس ملكة ناهد
حنان : والله مبروووك اكيد بجي
نور : يلا اشوفك في الملكة باااااااااي
حنان : باااااااي
حنان في نفسها غريبه بس ليش ناهد مااتصلت اهي وقالت لي اول مرة تسويها....يلا اكيد كانت مشغولة وماقدرت
ليلـــــــــــــــة الملكة
كان الكل فرحان ولابسين وفجأء وصلت حنان كاشخة وسلمت على ناهد مبروك بصراحة انا عتبانه عليك ليش ماقلتلي بس يالله تتهني ان شاء الله
ناهد متفاجة من جيتهاوظلت على اعصابها
وغنوا وكانت حنان واقفه جنب ناهد صديقتها مافارقتها ولا لحظة
وكان طول الوقت ناهد تقول لها يلا روحي بيتك لاتاخرين وحنان مصرة توقف معها وفجأة
صوت الطقاقه رجاء ياحريم تغطوا بيدخل المعرس
الكل تغطى ودخل المعرس ......الكل فرحان ومبسوط وهو يمشي وقرب منهم
حنان طالعته وتقول في نفسها ياربي مو غريب على ورفعت غطاها عشان تتاكد وشافته وكأن احد عطاها كف هذا ريلي شلون كذا وقامت تصارخ وتصيح والتفت على ناهد يالخاينه امنتك على كل شي وهذا النهايه خذتي ريلي صدق من قال خوايني واخويش اخذ ريلش واخليش ......والكل استغرب من الي صار ومن الي فصخت غطاها وقامت تصارخ وطاحت ضرب فيها ضرب سنه بساعه وقام الحين انواع الهواش والضرب في الصاله ام ناهد وام حنان يتضاربون مع بعض وابو ناهد وابو حنان هواش واخوان ناهد واخوان حنان هواش وخوات ناهد وخوات حنان هواش وانقلب الحال الى مصارعه وحنان من قهرها خذت الكيك وفي وجه ناهد وزوجها وقطعت فستان ناهد وكسرت الكراسي والطاولات عليها وعلى زوجها وبعدين الكل تعب من الهواش والحالة يزرى لها اصابات ولاجروح ولاكسور خلوها على الله وطلعت حنان والى الحين ماشفى قليلها قبل ماتركب السيارة راحت خذت البيض وكسرته على سيارة العرس وفتحتها وكسرت ذاك مادري والله شسمه المهم الي اهو اذ انكسر السائق مايقدر يوقف السيارة المهم وراحت بيتها وهي دموعها اربع اربع من خاينه صديقتها وزوجها
بعد الهواش الي صار راح خذ ناهد المستشفى وركبوا السيارة وفجأة كانت مارة شاحنه وهو يبي يوقف السيارة بس مو قادر لانها كسرته وصدموا بالشاحنه وماتوا اثنينهم
وبعد ماوصلت حنان البيت عشان تاخذا اغرضها سمعت صوت
زوجها : وينك تاخرتي صار لي ساعه انتظرك
هنا طار عقلها شلون كذا انت هنا لايكون لالالالالالالالالالا
ايه كل السالفه ان زوج ناهد طلع يشبه زوجها كثير (صدق من قال يخلق من الشبه اربعين )
هنا جنان خلاص ماتحملت الي سوته ذبحت صديقتها وحبيبه روحها وزوج صديقتها بيدها ............جنت حنان من الي صار وطلعت تركض مثل المجنونه بس بعد شنو بعد ماقتلت اغلى صديقه عندها
وربي صدق من قال ان في التاني سلامة وفي العجله ندامة
على فكرة هذي القصة من تأليف انا وصديقاتي بس تصير ولالالا
لاتحرموني من ردودكم
13.06.09 20:05